Plataforma Defende Mos

MANIFESTACIÓN CONTRA O PLANO INTEGRA EN VIGO

2008-11-30T22:47:00.002+01:00

MANIFESTACIÓN EN VIGO.

Hoxe, domingo día 23 tivo lugar en Vigo unha manifestación contra o Plano Integra.
Miles de persoas de todos os concellos do sul da provincia estaban alí.

A TELEGAITA non dixo nen unha triste palabra.

Cando necesitemos saber ónde é que creceu o nabo máis grande de Galiza, poderemos mirar a tele galega.

Se queremos saber cáles son as inquedanzas da cidadanía, mellor será que esperemos a que os alieníxenas bipolares inauguren unha canle de televisión.

Isto non é normal:

a cidadanía pedindo explicacións e os políticos virados de costas.
a cidadanía pedindo audiencia e os políticos engedellados.
a cidadanía defendendo o medio ambiente e os políticos cagando asfalto.
a cidadanía loitando polas parroquias e os políticos pensando que viven en Manhattan.

Soberbios, prepotentes, milhomiños. Así defendedes Galiza? Así defendedes o país?
Levade o salario que vos pagamos a casa. Pero non arrasedes a nosa terra.

GOBERNE QUEN GOBERNE,
MOS NON SE RENDE.

RETIRADA DO PLAN VIGO INTEGRA

2008-11-19T20:30:00.006+01:00

30 colectivos, convocan unha manifestación Contra o Plano Vigo Íntegra co lema "O asfalto non é progreso", o domingo 30 de Novembro ás 12, que sairá desde a Praza dos Cabalos e rematará na Porta do Sol.

http://www.arianonsevende.org/

O ASFALTO NON É PROGRESO

10 RAZÓNS PARA DICIR NON AO PLAN VIGO ÍNTEGRA

1.- Está baseado nun modelo obsoleto de transporte e mobilidade, esquecendo totalmente o transporte público, estimulando a utilización do vehículo privado, xerando aínda máis contaminación (atmosférica e acústica) e incrementando o consumo de petróleo.

2.- As vías de alta capacidade provocan un enorme e irreversible impacto ambiental (erosión do solo, fragmentación do territorio, recheo de vales e leitos fluviais, perda de masa forestal e de biodiversidade, ocupación de solo rústico, etc.) e a destrución do patrimonio cultural e arqueolóxico.

3.- Tamén provocan un enorme impacto social e económico (expropiación de terreos privados, afección de vivendas, efecto barreira que racha e divide vilas e parroquias,etc.).

4.- O uso abusivo do vehículo privado é un dos principais responsables de emisións de gases de efecto invernadoiro á atmosfera, causantes do cambio climático global.

5.- As vías de alta capacidade non solucionan os problemas de mobilidade, senón que os agravan. A máis e meirandes estradas, máis vehículos e máis atascos, xa que nas horas punta, as vías de enlace, de menor capacidade, non poden absorber tal cantidade de tráfico.

6.- Este modelo de transporte e de infraestruturas, dilapida grandes cantidades de diñeiro público e só favorece ós intereses privados das grandes construtoras e do sector do petróleo.

7.- O Plan Vigo Íntegra malgastaría 2.000 millóns de euros na construción de 243,8 quilómetros de novas autovías, asfaltando de máis de sete millóns de metros cadrados de territorio. O Estado español é o primeiro de Europa en quilómetros de vías de alta capacidade por habitante, mentres que a súa rede de ferrocarril se sitúa no vagón de cola europeo.

A cidade de Vigo e as comarcas do Morrazo, Baixo Miño, O Rosal, Val Miñor, Condado-Paradanta, A Louriña, Redondela, Vigo e área de Pontevedra continuarían a padecer esta eiva.

8.- Foi elaborado sen contar coa participación cidadá (e mesmo dificultando as preceptivas exposicións públicas) á medida dos intereses políticos e económicos de turno.

9.- Foi feito sen ter en conta a crise económica mundial, creada precisamente polos intereses políticos e económicos do gran capital, nin a fonda crise enerxética, en boa parte derivada dese modelo de transporte, gran consumidor de enerxías fósiles e petróleo.

10.- Forma parte indisoluble doutro proxecto maior, a centralista e depredadora Área Metropolitana de Vigo, tanto sexa de 14 como de 28 concellos, que ameaza con facer aínda máis dependentes da cidade ás vilas e comarcas da contorna.

ALTERNATIVAS AO PLAN VIGO ÍNTEGRA

1.- Un modelo de transporte baseado na accesibilidade, a proximidade e, ante todo, no fomento do transporte colectivo.

2.- Que os 2.000 millóns de euros presupostados para o Plan Vigo Íntegra se utilicen
Na mellora, humanización e vertebración da rede viaria existente na área afectada, dende as estradas veciñais, ata as secundarias e as comarcais, actualmente en pésimas e mesmo perigosas condicións.

Na mellora do transporte público, tanto terrestre, marítimo da ría, como ferroviario de proximidade, e no fomento do transporte non motorizado, como os carrís bici.

Na construción doutras infraestruturas máis necesarias: hospitais comarcais, centros sociais, educativos, de saúde, culturais, deportivos, e espazos verdes que, aparte de facer máis autosuficientes as nosas barriadas, parroquias e vilas, nos eviten a necesidade de desprazarnos ata a cidade. Isto é crear proximidade. A centralización é xerar distancias.

No aforro e a eficiencia enerxética.

Na promoción da rede de internet de alta velocidade e a informatización de trámites burocráticos, evitando desprazamentos para cuestións administrativas.

3.- Que se deseñe a ordenación do territorio dun xeito verdadeiramente participativo, tendo en conta un modelo alternativo de transporte e infraestruturas máis ecolóxico e humano. Que se racionalice esa ordenación, facendo desaparecer a Deputación, fortalecendo e achegando ao cidadán as mancomunidades de municipios e as comarcas, e baseándoa en principios de igualdade, solidariedade e complementariedade entre os distintos entes.

4.- Que a cidade de Vigo descentralice a súa área de influencia, ocupándose, ante todo, das prioridades e necesidades do seu propio territorio. Porque ten moitas e graves (saneamento, residuos, ordenación do litoral, rural, industrial, etc.) dentro dunha cidade mal deseñada, sobredimensionada e que non está a atender ás necesidades reais da súa veciñanza.

5.- Que o deseño urbanístico, incluída a rede viaria, se ateña á realidade demográfica, social, cultural e económica de cada concello e cada comarca, fuxindo da especulación urbanística e da invasión de competencias por parte da cidade.

Convocam:
A Ría Non se Vende / A.C. Berra Val Miñor / A.C. Caleidoskopio / A.VV. “Dunas” (Nigrán) / A.VV. “A Irmandade” de Priegue / Afectados Ronda Vigo-Lavadores / Agrupaçom de Montanha "Augas Limpas" / Alternativa Veciñal / Asociación A Groba / Asociación Afectados PO-313 / Bouzas Móvete / Centro Social A Revolta / Clube Espeleolóxico Maúxo / Colectivo Lúa Meiga / Colectivo Nacionalista de Marín / Colectivo Xogo Descuberto / Comisión de Seguimento da Conexión da A-57 con Peinador / Comisión Veciñal contra a Macrodepuradora do Lagares / Foro Social de Cangas / Grupo Axitación Social (GAS) / Luita Verde / Nunca Máis Val Miñor / OAR Redondela / Plataforma Cidadá de Redondela / Plataforma pola Defensa de Mos / Plataforma Priegue Unido / Plataforma Vive Gondomar / Salvemos Monteferro / Sárdoma en Loita / SOS Serra da Groba / Verdegaia

PLATAFORMA POLA DEFENSA DE MOS

2008-11-15T17:34:00.004+01:00

REUNIÓN INFORMATIVA.

Domingo día 23 de Novembro ás 11:00 da mañán.
Multiusos do Concello de Mos.

Organiza: Plataforma pola Defensa de Mos.

Tema: Vigo Integra. As infraestructuras e o noso concello. ¿Para quén? ¿Para qué?

Contaremos coa axuda dun membro de "A Ría non se vende" que exporá o que representan tanto o Vigo Integra como a Área Metropolitana. Necesitamos explicar aos nosos veciños os efectos devastadores das chamadas "infraestructuras de progreso" e cómo reventarán Mos: autovía, polígonos, accesos...., as súas afeccións, a destrucción dos manantiais, a afectación dun 35% do noso territorio.

A Plataforma leva moitos meses traballando para poder buscar algún rastro de racionalidade nestes plans, intentando que se explique a poboación a razon última de todos eles. A cerrazón fainos pensar en épocas pasadas, cando todo se facía por decreto.

O Plan Vigo INTEGRA, con 350 kms (250 kms. de novas vías de alta capacidade) malgasta 2.000 millóns de euros, afectando da forma arriba mencionada á propia cidade de Vigo e ós 25 concellos da súa área de influencia, das comarcas do Rosal, Baixo Miño, Val Miñor, O Condado-Paradanta, O Morrazo, Redondela e a área de Pontevedra. Foi elaborado sen contar coa participación pública e aínda dificultando as preceptivas exposicións públicas.

Forma parte indisoluble doutro proxecto maior, o centralista e depredador da área metropolitana de Vigo, tanto sexa de 14 como de 28 concellos, que en conxunto, aparte de sumar máis impacto ambiental, ameaza con facer aínda máis dependentes ós pobos e comarcas do contorno con respecto á cidade.

A poboación asiste atónita a plans denominados " SUPRAMUNICIPAIS", un sinónimo encuberto que utilizan para esconder o seu auténtico significado: POR DECRETO. Antes xa de lanzar o plan, advírtese que é un plan sectorial, un plan supramunicipal, co que en realidade nos queren dicir que non hai protesta nen petición de información que valla.

O único que se pode facer é estar informados.

ACUDIDE AO MULTIUSOS O DOMINGO 23.

VIVA MOS

CONCENTRACIÓN

2008-02-16T15:09:00.003+01:00

Manifestación Domindgo 16 de Decembro.

2007-12-14T12:49:00.000+01:00

A PROPAGANDA DE POLÍTICA TERRITORIAL

2007-11-25T17:45:00.000+01:00

FARO DE VIGO. 24 de Novembro.

LA XUNTA LANZA UNA CAMPAÑA PUBLICITARIA PARA ACABAR CON EL DESORDEN URBANÍSTICO.

Politica Territorial invertirá 900.000 euros para concienciar a los gallegos de que deben cuidar el territorio.

Igual que ubicar el retrete debajo del lavabo ó que la lavadora se coloque encima de la nevera. Esta situación sería tan absurda como un piso sin conexión a la red de saneamiento ó una casa de ladrillo a medio terminar.

Con este símil la Consellería de Política Territorial pretende concienciar a la ciudadanía para que contribuya a erradicar el feismo urbanístico.

El mensaje será trasladado en forma de spots televisivos, y además de anuncios en radio y prensa, durante los próximos meses. En esta campaña se gastará 900.000 euros.

Se trata de "sensibilizar a los gallegos de que se debe hacer un uso responsable del territorio", explicó ayer la conselleira de Política Territorial, María José Caride. El lema de esta campaña será: "Onde vivimos importa"

******************************************

O artigo segue coa descripción dos anuncios televisivos e, francamente, non merece a pena.

"Onde vivimos importa", dí a propaganda de Política Territorial. Se falamos dos que vivimos en Mos, importa unha merda.

Para aliviarnos un pouco, Celso Emilio Ferreiro, que se explicaba bastante mellor que as cabezas impecables, exquisitas, solidarias e sensibles de Política Territorial e do goberno deste pobre país noso. O bó que ten este poema e que se pode atopar sempre a quen adicalo, por máis que pasen trinta anos. Mellor reirse, aínda que nos estén tratando coma se non estivesemos eiquí.

REQUIEM.

Paco Pixiñas, zorro confeso,
fuche en carroza pra o cimenterio.

Tanto rillar na carne de cocho,
tanto rillar, matóute un arrouto.

Un torozón finou cos teus días.
cómo te alcontras, Paco Pixiñas.

Púñache os cornos seica a parenta,
síguechos pondo, postmortem, seica.

Das malas lingoas non fagas precio,
durme tranquilo no teu sartego.

Vendiche vento, vendiche leria,
todo se vende, menos decencia.

Todo ten precio, todo se compra,
todo se vende menos vergonza.

Diñeiro podre non fai mercede,
alma mesquiña todo o empobrece.

Cómo che vai cariña de entroido,
tanto aforrar pra agora estar morto.

Deus faga parvos que nos manteñan
pois onde hai listos, zorros non medran.

Deixache as zocas polos zapatos,
de qué che sirve nise buraco.

Da mau á boca pérdese a sopa,
Paco Pixiñas cómo te alcontras.

Cinco e máis cinco non son un cento
bótalle a conta, verás que é certo.

A nosa terra nada che debe,
nada lle importa que alá te quedes
dándolle estrume ó chan alleo
pois a Galicia sóbralle esterco.

Si fuche pobo, dil desertache,
Paco Pixiñas, Requiescat in pace.

AUTOVÍA NON. SUPRESIÓN DA PEAXE.
NOVOS TRAZADOS PARA O AVE.

RESPECTO E DIGNIDADE PARA O CONCELLO DE MOS.

DIÁLOGO COS REPRESENTANTES ELECTOS DO NOSO CONCELLO.

SESIÓN PARLAMENTARIA SOBRE A AUTOVÍA

2007-11-25T17:18:00.001+01:00

DÍA 28 pola mañán. Iremos a Santiago para ver dende dentro a votación da proposición non de lei do PP sobre a paralización do proxecto de autovía. Temos 51 entradas, 38 dos do PP e 13 que nos deron os do BNG. Informaremos do resultado desta votación e de todo o que pasou estes días.

CONCENTRACIÓN VENRES 28 NO CONCELLO DE MOS

2007-09-19T21:20:00.001+02:00

CARTEL DO FESTIVAL REBUMBIO 2007

2007-08-10T22:04:00.001+02:00

FESTA REIVINDICATIVA DA PLATAFORMA POLA DEFENSA DE MOS.

2007-08-10T16:34:00.000+02:00

DÍA 25 DE AGOSTO.

Estamos en Agosto. E se os políticos están sempre xordos, imaxinádevos neste mes. O día 25 de Agosto, a Plataforma Defende Mos, vai facer unha festa a partir das 12 da mañán no parque de detrás das Pedriñas. Teremos pulpo, callos, empanada, tortilla e viño. Teremos, a partir das 12 actuacións musicais que vos detallaremos, entre elas a de Malvelas.

Colabora con nós a Asociación Rebumbio, que seguirá a festa pola noite. Necesitamos máis que nunca que veñades. E unha forma de que os problemas de Mos se fagan evidentes para a xente. Como vos podedes imaxinar, Touriño e Caride seguen sen querer vir polo noso concello.

Se en Baiona, Nigrán ou calquera outro municipio de Pontevedra hai problemas, todos acoden, aínda que só sexa para sair na foto. Mos é outra cousa.

Nos non abandonamos. Nesta ocasión, un encontro alegre para poder sacar forzas. Vos esperamos. Colaborade como sempre facedes. Un saúdo a todos.

NON A AUTOVÍA. SUPRESIÓN DA PEAXE PUXEIROS-PORRIÑO.
NOVOS TRAZADOS PARA O AVE.

Entrevista na TVG

2007-07-24T15:57:00.001+02:00

Onte saimos por primeira vez na televisión de Galicia, podedes ver a noticia no seguinte enlace, picando no programa do día 23 de xullo:

Galicia Noticias Serán

REUNIÓN CON QUINTANA

2007-07-05T00:06:00.000+02:00

A PLATAFORMA DEFENDE MOS ENTREVISTOUSE HOXE MÉRCORES AS 10:30 HORAS CO VICEPRESIDENTE DA XUNTA, ANXO QUINTANA.

Os representantes da Plataforma entrevistáronse hoxe en San Caetano co vicepresidente da Xunta de Galiza. Expuxéronlle os problemas que para Mos traería a combinación dunha autovía - innecesaria dende o seu punto de vista, e remediable coa supresión da peaxe Puxeiros-Porriño, un tramo sen utilizar-
co trazado do AVE.

Os veciños e o concello de Mos -unidos neste tema- non se negan ao ben común, só piden dende fai meses que se escoiten as súas opinións sobre infraestructuras, que sempre atravesaron o concello.

Tamén lle fixeron chegar a súa inquedanza polo aillamento do concello, xa que ate o de agora, ningunha autoridade con competencias reais na Xunta quere recibilos, nin aos representantes políticos nen ao movemento veciñal.

Quintana dixo que os puntos de vista que se lle presentaban eran razonabeis. Que tentaría conseguir que os veciños accederan á Consellería de Política Territorial. Pensa que é Fomento o que ten que falar destas infraestructuras, pero comprometeuse a estudar os datos que se lle entregaron e buscar posturas conxuntas na Xunta. Comprometeuse asimesmo a que os veciños tiveran noticias súas antes de setembro.

VIVA MOS

2007-06-18T18:07:00.000+02:00

Boas tardes, veciños.

Como sabedes de sobra, a Plataforma leva intentando dende fai meses manter unha entrevista co Presidente da Xunta, Sr. Touriño.

O día primeiro de Maio, tras deixar as pancartas fora, esperamos ata o final do mitin do PSOE eiquí en Mos, para poder decirlle que necesitabamos ter unha entrevista con él. O vimos e nos dixo que estudiaría a cuestión e que nos daría unha entrevista.

Nos consta que a alcaldesa estivo intentando que poideramos ter tal entrevista, pero ata o de agora, os seus esforzos non deron tampouco nengún resultado. (Nos o atribuimos a que Mos non é Vigo).

O día 23 de Maio enviamos a Compostela pola nosa conta unha petición para poder entrevistarnos con él - en vinte ou trinta minutos poderíamos explicarlle todo e tamén entregarlle un dossier.

Todo isto despois de saber en Madrid, por boca do xefe de Gabinete do Secretario de Infraestructuras, Victor Morlán, que é de él de quen depende todo isto. A petición pasou por rexistro o día 23, como vos dicimos e todavía non temos contestación.

(Nos chegaron xustiño despois das eleccións unhas multas da Subdelegación do Goberno de Pontevedra, pero desta entrevista, que levamos intentando nós como Plataforma, a Comisión de Seguimento e a alcaldesa a título persoal, nada de nada).

En canto saibamos algo volo avisaremos. Pasou xa máis dun mes dende que en Fomento nos dixeron que isto era algo de responsabilidade de Touriño. Querríamos dicirvos máis, pero por desgracia non podemos.

Os feitos son:

1. En Madrid nos dixeron que isto depende do Presidente da Xunta.
2. Levamos meses intentando falar con él.
3. A campaña eleitoral xa pasou.
4. Está por todas partes, facendo visitas a todo o mundo.
5. Mos é unha alcaldía socialista.
6. Pensamos que é insultante que non respete á nosa alcaldía. Mos é un concello de respeto, como o é Vigo. E a nosa alcaldesa merece tanto respeto como o Sr. Caballero.
7. Temos a sensación - isto non é un feito como os anteriores, pero casi- de que non quere escoitarnos (ó peor non é que a Plataforma lle importe un bledo, o peor e o máis doloroso para nós como veciños é o insulto ao noso axuntamento).

¡VIVA MOS!

NON Á AUTOVÍA. SUPRESIÓN DA PEAXE-
NOVOS TRAZADOS PARA O AVE.

Proximas convocatorias

2007-06-13T19:09:00.000+02:00

Saúdos a tódolos veciños.

Como xa sabedes, isto non ten paraxe: nas últimas semanas nos mandaron da Subdelegación do Goberno multas para as 14 persoas que figuran pedindo permiso para manifestarmos. O que ten menos ten 3.000 euros, o que máis ten, ten 6.000. Por familias, hay unha que tería que pagar 12.000. Pide permiso para eso.

Pero iso non é o grave: o grave é que seguimos nas mesmas. De Santiago non ven ninguén. Pero nós seguimos eiquí porque, se non estamos equivocados, pronto haberá máis frontes que os da autovía e o AVE para os veciños de Mos.
O que importa agora mesmo non son as multas: é que sigamos eiquí.

O Sábado día 16, hai sesión de investidura da nova corporación. A Plataforma vai estar alí. Coma sempre para recordarlle a todo o mundo que eiquí seguimos. Coma sempre, calados, con dignidade e con educación. Coa camiseta enriba e calados para ser testigos de todo o que se fai no concello.

SÁBADO DÍA 16 NO CDL AS 11:30 DA MAÑÁN.
SÓ SE NECESITAN DÚAS COUSAS:
TER EDUCACIÓN E DISCIPLINA E, SI PODEDES, LEVAR UNHA CAMISETA. (xa sabedes, a ponzoñosa é o modelo mellor).

DOMINGO 17. FESTA DO PULPO EN CELA. 12:00 DA MAÑÁN. XA SABEDES HAI QUE IMPLICARSE NA VIDA PÚBLICA DO MUNICIPIO. VER E SER VISTOS É A CLAVE PARA CONSEGUIR O RESPALDO DE TODOS OS VECIÑOS DE MOS.

Aquí se necesitan tamén dúas cousas: levar a camiseta e estar xuntos.

VINDE SÁBADO E DOMINGO COA PLATAFORMA.
MELLOR SE ESTÁ NA CASA.
PERO O MELLOR PARA MOS É ESTAR XUNTOS E DECIDIDOS.

NON A AUTOVÍA. SUPRESIÓN DA PEAXE.
NOVOS TRAZADOS PARA O AVE.

El concello pide la retirada de las sanciones impuestas a Defende Mos

2007-06-13T13:17:00.000+02:00

El Concello de Mos ha dirigido al subdelegado del Gobierno, Delfín Fernández, un escrito en el que solicita que no se castigue al colectivo Defende Mos, que representa a los vecinos del municipio en la "lucha frente a la incomprensión y la falta de diálogo del Ministerio de Fomento".

Redacción / Mos

El Concello de Mos ha dirigido al subdelegado del Gobierno, Delfín Fernández, un escrito en el que solicita que no se castigue al colectivo Defende Mos, que representa a los vecinos del municipio en la "lucha frente a la incomprensión y la falta de diálogo del Ministerio de Fomento".

En la carta, el teniente de alcalde en funciones, Xosé Manuel Martínez Ojea, advierte que "las sanciones serían evitables si las administraciones respetaran a los vecinos a las demás instituciones".

En representación del concello recuerda que la "auténtica provocación parte de la Administración central" y señala que el subdelegado del Gobierno debería "llamar a Madrid para que se paralice el actual proyecto para la autovía" en vez de "perder el tiempo en sanciones" a los vecinos.

El concello asegura además que seguirá permitiendo a los vecinos manifestarse en los viales de su competencia.

FESTA DA EMPANADA DE PAN DE MILLO EN MOS

2007-06-01T11:20:00.000+02:00

A autovía segue ahí. Eses plans do AVE seguen ahí. Touriño e Caballero seguen ahí. A Plataforma tamén. Mal que lles pese. Vos, ¿estades tamén? Iso esperamos.

Se vos non seguides, isto non vai ter arreglo. Por iso, este fin de semán imos comer empanada de millo. Vinde coas camisetas postas. Necesitamos que a xente saiba do problema e que se una á pelexa que temos para que Mos non desapareza. Animamosvos a que participedes no concurso de degustación de empanadas facendo da empanada que presentedes un medio de reivindicación poñendo as mensaxes que consideredes mais oportunas tipo: "AUTOVÍA + AVE = DESTRUCCIÓN DE MOS", "SUPRESIÓN DA PEAXE NA AP-9", e calquera outra mensaxe que se vos ocorra.

Si hai que comer pulpo, vaise comer, se hai que atacar un codillo, pois vale. Temos que ir por TODO MOS COAS CAMISETAS POSTAS.

QUEDAMOS O DOMINGO DÍA 3 AS 12:30 DA MAÑÁN NA FESTA DA EMPANADA DE MILLO EN SANGUIÑEDA

como na casa non se está en ninguna parte, pero agora a casa é o concello, así que por favor, vinde o domingo. Hai que mentalizar á xente que o ano que ven, se non movemos o que hai que mover, comeremos millo, pulpo e codillo no medio dun deserto, subidos nunha pala excavadora, e sentindo que somos un pobo de escravos. Temos que movernos.

CONCENTRACIÓN EN SANTIAGO

2007-05-15T21:40:00.000+02:00

A Plataforma vai ir o xoves día 24 de Maio a Santiago. Imos concentrarnos diante de San Caetano. O Goberno ten que escoitarnos. Ten que escoitar ao concello de Mos. Necesitamos que vos apuntedes. Imos ir en autobús. Sairemos as 9 da mañán da explanada de Queen. O día 16 na manifestación pasaremos follas para que poidades anotarvos. Recordade que tamén o podedes facer enviando un correo a : plataformadefendemos@yahoo.es

NON AUTOVÍA. SUPRESIÓN DA PEAXE.
NOVOS TRAZADOS PARA O AVE.

MANIFESTACIÓN

2007-05-14T11:29:00.000+02:00

SE ISTO NON SE ARREGLA
LEÑA! LEÑA! LEÑA!

TRAEDE PITOS, CACEROLAS E BOCINAS
TEMOS QUE CONSEGUIR QUE FOMENTO E A XUNTA NOS ESCOITE

O MÉRCORES 16 DE MAIO AS 20.00 H

NA EXPLANADA DE QUEEN

ACUDIDE!!!

VIAXE ALUCINANTE AO CENTRO DE UN MITIN OU: O ATAQUE DA CAMISETA PONZOÑOSA.

2007-05-08T19:47:00.000+02:00

O domingo pasado fomos a Vigo, a concentrarnos diante do pavillón das Travesas. Falaban Zapatero e Touriño. Iamos andando e de repente parounos a policía. Debíamos ter pintas sospeitosas, perigosas e incluso ameazantes, senón non se explica. Ate eiquí todo ben. Tiñamos pensado estar calados máis ou menos coas pancartas e nada máis. Pero nos dixeron que alto. Que de ahí non podíamos pasar. Estabamos a uns douscentos metros da entrada do pavillón.

Pasados uns minutos, e como empezaba a chegar xente, un par de nós fomos para repartir un folleto –con mapa incluido - que explicaba o problema que temos. E ven a sorpresa: non podemos sair do cerco da pancarta coa camiseta posta. Preguntámoslle aos policías – uns mozos galegos enormes e ben mantidos- e nos dixeron que non podíamos pasar coas camisetas postas. ¿Por qué? Lo siento, señora, tenemos órdenes de nuestros superiores, y no pueden pasar con las camisetas. Vale, pero, ¿hai algunha razón? Son órdenes superiores. Unha preguntiña máis: isto é un mitin do PSOE: ¿non será mellor que nos digan eles que non podemos pasar? Porque se non estamos tolos, vostedes son a policía nacional, non o servicio de orden do mitin. NON.

Quixen preguntarlle a os da organización do mitin. Saco a camiseta e gárdoa no bolso. Un policía me di que non, que non paso coa camiseta no bolso. Flipo. ¿Por qué? No se puede pasar con la camiseta en el bolso. Désela usted a otra persona, sino, no.

Gardo a camiseta no bolso. Vou por Fragoso a dar a volta. Paso por diante de outros policías e escoito: “Va para arriba” (era eu a que ía para arriba: unha perigosa, pegañenta e tremebunda delincuente de metro sesenta cun bolso na man e unha camiseta dentro). Paro en seco, sorrío e digo: “vai para abaixo”.

Volvo o punto de partida, donde está o meu policía particular. Señora, no puede pasar con la camiseta porque é un distintivo político. Abro o bolso, saco a camiseta. Saco un libro –pregunto se o libro se considera como distintivo político ou como animal de compañía- dime que non. Saco un monedeiro. Saco unha libreta. Saco un boli. Meto todo de novo, e podo pisar outra vez a rúa pública fora do círculo da nosa pancarta.

Chego o pavillón. Vou con unha compañeira. Pregunto por un encargado de organización. Esperamos. Chega. Lle pregunto si é normal que non podamos entrar coas camisetas. Bueno, non é que non podamos entrar, e que non podemos ir mais alá da pancarta con ela posta. Pregúntolle se o Partido Socialista Obrero Español ten algún problema de fijación coas nosas camisetas. Que somos de Mos e o noso concello nos apoia. Que só queremos poñernos fora, onde están os de Álvarez. Que non queremos entrar no Pavillón. Me contesta amabilísimamente que eles só controlan das portas para dentro. Pregunto enton se de portas para dentro sí se pode levar camisetas. Me dí que o control de camisetas é cousa da policía. Eu, que non quero cansalo- nen cansarme- , pregúntolle se o control de orden deste mitin o leva a policía.

Aparece unha rapaza morena moi amable que nos dí que pasemos, a ver se lle podemos preguntar a alguén. Unha muller agradable e conciliadora. Xusto cando estaba a convencernos, chega un segurata e lle dí a miña compañeira o seguinte, sen nen sequera mirar que estabamos a falar con outras dúas persoas: “Si lleva usted una camiseta en el bolso, va usted a la calle”.

Veciños. Isto enche o saco de calquera. Digo que agora sí que xa me contestaron e que bos días.

Nos sacaron moitas fotos. Se enteraron de que eramos de Mos. –“Mos existe, Mos está no mapa”. Acabamos afónicos, pero cos deberes feitos. Convencidos de que temos rabo e cornos. Porque os médicos do SERGAS estaban protestando frente o Pavillón (e con megáfono) . Os de Álvarez tamén (e con unha pancarta que poñía verde a Zapatero). A nosa ponía “Defende Mos”. ¿Por qué molesta tanto?

Dentro do Pavillón se oían os nosos pitos contra Fomento. Non contra Zapatero, nen contra o PSOE, só con Fomento. Contra Fomento e contra todos os que queiran esnaquizar Mos. Sendo tan educados e civilizados e imparciais como somos, non entendemos que nos teñan metidos nun corralito toooooodo o tempo.

A pregunta é: a policía nacional – que por certo se despediron de nós cun sorriso, y é normal, porque quedaron fartos de cánticos e pitidos- ¿ten como novo cometido facer de servicio de orden aos mítines de suposta entrada libre?

¿Pensarían que en vez de mosenses somos jerrilleiros – jerrilleiros con xota- afgano-talibáns?

Ate o de agora pensábamos que nos consideraban idiotas. ¿Resulta que tamén somos perigosos? Isto se non se ve, non se cree. En fin, que o de sempre.

1. Necesitamos a vosa axuda (Non nos movemos moito, é sinxelo, nos poñen detrás da pancarta, non vos cansaredes).

2. Necesitamos que veñades aos seguintes mítines (vos reiredes un montón se volta a pasar o da camisetaperigosa)

3. Somos de Mos. Temos que defendernos (¿ou queredes que chamemos a policía nacional?

4. Fomento está moooooi lonxe. Pero as palas excavadoras e a ruina de Mos, cada vez máis perto.

2007-05-03T22:49:00.000+02:00

Boas.

A semán pasada estivemos no acto do PP. Calados, facendo só acto de presencia, detrás da nosa pancarta da Plataforma. O día 1 estivemos no Pavillón "Óscar Pereiro", onde se presentaron os candidatos do PSOE ó concello. Nese mitin tivemos a oportunidade de falar con Touriño e Mª Xosé Caride.

A Plataforma está composta de xentes de distintas opcións, por iso hai que ter a mesma actitude con todos, porque así o decidimos na asamblea. Dentro do noso concello os políticos locais nos están apoiando -con máis ou menos éxito- pero apoiando. Non podemos facer diferencias eiquí. Pero sí poderemos manifestarnos en Vigo, Santiago ou Madrid.

A actitude de calar, de estar alí simplemente para protestar en silencio, que se nos vexa, vai ser moi dura, pero é o que temos que facer, polo menos por esta vez. A Plataforma non quere -NON PODE- beneficiar a ningún partido.

Isto é polo ben de Mos. Faremos outras accións de protesta nas que sí berraremos a nosa indignación. Pero nas presentacións de candidatos dos políticos de Mos, quedamos de facelo en silencio. Sabemos que é duro, pero temos que ser disciplinados. Non podemos actuar por separado. Somos un grupo, unha plataforma, con xente de todas as orientacións. Non nos queda outra. É difícil, pero farémolo.

A próxima cita dentro do Concello de Mos -e a última de presentación de candidatos- será o venres día 4, no acto do BNG, que terá lugar as 21:30 no Pavillón Peña de Francia. Quedamos as nove da noite no Pavillón. NECESITAMOS QUE VEÑADES.

Por favor, axudádenos - e axudade a Mos- sendo disciplinados, fríos e controlando a rabia que todos sentimos neste momento. Aillados non podemos, xuntos sí.

Despois, iso será máis fácil, nos quedarán os mítines aos que veñan os presidentes destes partidos. Ide preparando a garganta para eles. Iremos a Vigo, e nos quedaremos fora facendo ruido. A ver se desta vez os medios sí se enteran.

O domingo día 6, Zapatero estará en Vigo. Ten un mitin no Pavillón das Travesas. Se queremos que a xente saiba ÓNDE ESTÁ O CONCELLO DE MOS temos que estar á porta dese mitin coas nosas pancartas. É absolutamente necesario que se nos mire, que Fomento saiba que non se nos pode mexar por riba sen que pelexemos.

O domingo día 6 haberá un bus frente a “Queen” as 10 da mañán. Fará unha parada en Petelos e outra en Puxeiros.

Por favor, apuntádevos necesitamos saber cántos imos ser. Podedes confirmar a vosa asistencia mandando un e-mail ó noso correo.

É o momento de preocuparse.

É o momento de que movamos o cú dunha vez polo noso concello.

Todos preferiríamos quedar tranquilos na casa. PERO NON PODEMOS.

MOS non merece este trato.

Un saúdo a todos.

PLATAFORMA "DEFENDE MOS"

RESULTADO DA MANIFESTACIÓN DO 13 DE ABRIL.

2007-04-17T02:05:00.000+02:00

"La Voz de Galicia" di que éramos 300 persoas.

Vendo as fotografías cantas credes que éramos?.

MANIFESTACIÓN!!!

2007-04-11T23:07:00.000+02:00

MANIFESTACIÓN!!!

VENRES 13 DE ABRIL
ÁS 20:30H
NA ESPLANADA DE QUEEN.

ACUDIDE, POR FAVOR!!!

CONCENTRACIÓN PACÍFICA!!!

2007-03-27T01:43:00.001+02:00

A PLATAFORMA DEFENDE MOS convoca ós veciños/as de Mos a unha CONCENTRACIÓN PACÍFICA, no CONCELLO DE MOS. O día VENRES, 30 DE MARZO, ÁS 20:30H DO DÍA.

AGRADECERVOS A VOSA PARTICIPACIÓN!!!.

Axúdanos a recoller firmas e alegacións

2007-03-23T16:29:00.000+01:00

Estamos a recoller firmas para pedir a liberación da peaxe da AP-9 e tamén alegacións para o AVE por Mos, necesitamos moitas firmas, cantas máis mellor. Por favor vótanos unha man, descarga e imprime os seguintes arquivos e axudanos a recoller firmas.

Podedes deixar as vosas firmas na Farmacia de Sanguiñeda ou no Centro Social das Pedriñas en Tameiga.

Moitas gracias de antemán.

CHARLAS INFORMATIVAS SOBRE A AUTOVÍA E O AVE.

2007-03-20T17:46:00.000+01:00

CONVOCAMOS A TODOS OS VECIÑOS DE MOS A ASISTIR ÁS CHARLAS INFORMATIVAS SOBRE A AUTOVÍA MÁIS O AVE. QUE TERÁN LUGAR NAS SEGUINTES DATAS E LUGARES:

MERCORES 21 DE MARZO, AS 20:00H: NO CENTRO SOCIAL DAS PEDRIÑAS DE TAMEIGA.
XOVES 22 DE MARZO, AS 20:00H: NA DISCOTECA QUEEN EN SANGUIÑEDA.
VENRES 23 DE MARZO, AS 20:00H: NO CENTRO SOCIAL NOSA TERRA DE PEREIRAS.
SABADO 24 DE MARZO, AS 20:00H: NO CENTRO CULTURAL DE TORROSO.
DOMINGO 25 DE MARZO, AS 12:00H: NO PAZO DO MARQUÉS DE MOS.

ASISTIRÁ UN TÉCNICO PARA EXPLICARNOS OS PROXECTOS.

ACUDE, POR FAVOR!!!

Mos coas novas infraestructuras do Ministerio de Fomento.

2007-03-18T10:26:00.000+01:00

Neste plano podemos ver superpostas todas as infraestructuras que o Ministerio de Fomento ten previsto realizar no noso concello.

En primeiro lugar a autovía con duas calzadas de tres carriles cada unha.
En segundo lugar a Alternativa 1 do AVE que tras sair do tunel que ven de Vigo discorre ó longo do rio Senlle.
En terceiro lugar a Alternativa 2 do AVE que discorre semisoterrado por debaixo de Pereiras.
Por último a Variante do Ferrocarril para librar o paso a nivel do centro de Porriño e que discorre ó longo do rio Louro.

NON PERMITAMOS ESTA DESFEITA!!!

Enlaces a plano máis grande:

Comunicado.

2007-03-10T10:44:00.000+01:00

A Plataforma "Defende Mos" intenta facer chegar a tódolos veciños e veciñas a información que a maioría das veces queda nos despachos, sobre os plans que o Ministerio de Fomento ten para noso concello. A xente de Mos non son nen cavernícolas nin, por suposto, víctimas e cabezas de turco que han de ser sacrificadas no nome do "progreso".

Sabemos perfectamente que a nosa situacion xeográfica é a que é, pero todas as obras poden facerse sen ter que danar nin ao Concello de Mos nin os circundantes. O que se ve claramente é que toda esa morea de plans precipitados e que se queren licitar a lume de carozo (plans de Nadal do 2006, por exemplo), non teñen en conta a principal consecuencia que acarrexarán: o reventar, desmembrar e facer desaparecer nuns anos un municipio como o de Mos.

A maioría da xente pensa que Mos é só unha autovía con catro casas ó longo dela, pero os que aquí vivimos sabemos a riqueza e a sorte de ter a calidade de vida que temos. Os intereses de Vigo, Porriño e os de Mos poden -e deben -ser compatibles.

Se non houbera solución, a cousa podería entenderse. Pero neste caso, sí que hai solución: a supresión dun tramo da peaxe da AP-9, que evitaría esa autovía que cercenaría a hidrografía de Mos, e que deixaría o concello convertido nun enorme taboleiro de formigón. E, no caso do Ave, información aos veciños, estudo de alternativas diversas, no que deberían participa-los veciños, non só as dos trazados de Fomento, feitos de maneira apresurada, non se sabe ben con qué fins.

A base dunha sociedade culta non pode ser a imposición, a falta de información, o rumor, o pensar que os gobernados son nenos, carentes de todo sentido racional. Pensamos que é así como nos ven: coma auténticos servos da gleba que teñen que acatar as ordes de arriba sen poder discutilas.

O Ministerio de Fomento ten que pensar que o que para él é só un punto no mapa non é tal. Eiquí vivimos persoas que sabemos discernir entre o progreso e unha simple carnicería que se quere levar adiante por sabe Deus qué motivos.

O que pretendemos é que impere o sentido común, que todo o mundo saiba que queren facernos desaparecer cando non hai ningunha razón para elo. Os veciños estanse a informar e dándose de conta de cál e a situación e parece ser que tamén os grupos políticos estanse a decatar que non é imposible compatibilizar progreso con humanidade, respeto polo medio
ambiente, pola poboación e polo amparo que debemos recibir ó vivir nun Estado que debe protexer ós seus cidadáns.

Tel. contacto: 676 08 36 28.